SPROING-prisen er en nasjonal pris som deles ut med det formål å fremme litterær kvalitet, bredde og økt interesse for tegneserier publisert i Norge. Prisen har eksistert siden 1987 og deles i 2011 ut i tre kategorier:
Beste norske utgivelse, beste oversatte utgivelse og beste debutserie.
Vinnerne kåres gjennom en åpen avstemning på denne siden hvor alle interesserte kan delta.
Beste norske
- ArtsyFartsy – Henry Bronken
- Varulvene i Montpellier – Jason
- Den krokete kniv – Max Estes
- Stop.Rec.FFWD – Håvard S Johansen
- Hrmf! – Sindre W. Goksøyr
Beste omsetjing
Juryen har i 2011 fått dispensasjon frå NTFs styre til å nominere 6 utgjevingar i denne kategorien.
- Che. En tegnet biografi – Hector Osterheld / Alberto Breccia / Enrique Breccia / Omsetjing: Alexander Leborg
- Laika – Nick Abadzis / Omsetjing: Rune R. Moen
- Fotnoter i Gaza – Joe Sacco / Omsetjing: Jens E. Røsåsen
- Jimmy Corrigan – Chris Ware / Omsetjing: Christian Rugstad
- Genesis, 1. Mosebok – Robert Crumb / Omsetjing: Tor Lier
- Fem tusen kilometer i sekundet – Manuele Fior / Omsetjing: Nina Haugdahl
Open klasse — Beste samlebok
- Fagprat – Flu Hartberg
- Om mus og menn og annet snusk! Kollektivet bok 5 – Torbjørn Lien
- Jeg, Tor Ærlig – Tor Ærlig
- Matjemania – Lars Fiske
- Episke amputasjoner – Steffen Kverneland
Trass rekordhøg interesse har vi vald å ta ned avstemminga for no, då vi ønskjer å ta inn over oss noko av kritikken årets nominasjonar har blitt møtt med.
Vi tek sikte på å vere i gang igjen onsdag 04. mai, og ber om tolmod medan vi drøftar dette.
OBS! Ny lenke til avstemming finn du rett til venstre her. OBS!
Alle som svarte i løpet av det første døgnet skal ha fått e-post om at dei må stemme på nytt. Sidan det no vart slik er vi litt ekstra avhengig av at folk er flinke til å minne sine kjente og kjære om å stemme.
Som lova er vi no tilbake, no med hashtag på twitter.com: #SPROING.
Og, kanskje til nokre si overrasking, så er alle dei tidlegare nominerte også tilbake, saman med nokre som ikkje var med frå søndag av!
Det vart i år meir bråk enn vi nok hadde rekna med, og vi valde å ta kritikken til oss, prøve å møte den der den kom, og sjå nærare på kva vi skulle gjort annleis.
Frå vårt synspunkt trakka vi feil då landskapet ikkje stemte med kartet og vi i staden for å be om eit nytt kart heller prøvde å få utgjevingane til å passe vedtektene. Vi trur no vi har fulgt kartet meir enn hjertet, samstundes som vi framleis får framheva namn og utgjevingar vi meiner alle burde sjå nærare på om dei ikkje alt har gjort det.
Mykje har hendt i det norske teikneserielandskapet dei siste ti åra. Stripeseriane har skapt nye lesarar parallellt med at både striper og dei lange forteljingane har funne ein naturleg plass både på nett og mellom stive permar.
Det viser seg at vi som lesarar både vil nyte våre teikneseriar omgåande og raskt på nett, men heller ikkje gir slepp på samlinga, gleda over godt trykk og kjensla av papir. Samling både i tydinga at vi sjølv samlar i stadig fullare bokhyller, men også at forlaga driv samling av opptrykk av meir eller mindre vanskeleg tilgjengeleg kunst.
Det har ligge i korta ei stund at det er på tide å justere prisen, men dette er eit ganske stort arbeid, og vi har hatt mange ballar i lufta. Vi takkar for dei gode og konstruktive innspela som kom og tek med oss desse og nye innspel i prosessen som no er i gang i samarbeid mellom NTFs styre og neste års jury.
Vi har i alle fall sett stor pris på det som etter kvart utvikla seg til ein interessant og gjevande diskusjon, og denne vil bli fulgt opp i det vidare. Men akkurat no håper vi at alle kan vere nokolunde eins om at dei følgjande alle saman er seriar vi skal vere stolte av er blitt utgjeve i 2010, og at dei som allereie har stemt, som juryen, heller ikkje tykkjer det er noko skam å snu. Det var mange fleire som stemte i løpet av det første døgnet avstemminga var oppe enn opningsdøgnet i fjor, og vi vil gjerne ha så mange stemmer som mogleg.
Les meir om kva som hendte, og gløym ikkje å stemme!:
Håvard S. Johansens reaksjon på nomineringa og innspel
Torbjørn Liens reaksjon på nomineringa og innspel
Serienetts veksling frå mest positiv til mest negativ
Kristian Hellesunds oppfordring om å trekke nominasjonane og gå gjennom prosessen ein gong til